လက်ရှိအလုပ်ကနေ အောင်အောင်မြင်မြင်နဲ့ ဘယ်လိုထွက်မလဲ။

ဒီနေ့ ရေးမှာကတော့ မနေ့ က ဆောင်းပါးရဲ့အဆက်ပါ။ မနေ့  အလုပ်ထွက်မယ်လို့ မဆုံးဖြတ်ခင်မှာ သေချာ စဉ်းစားသင့်တဲ့ အချက် (၅) ချက်ကို ရေးသားခဲ့ပါတယ်။ အဲ့ဒီ (၅) ချက်ကို သေချာအပြန်ပြန် အလှန်လှန် စဉ်းစားပြီးတာတောင်မှ ထွက်ချင်တယ်ဆိုယင်တော့လည်း ထွက်ရတော့မှာပေ့ါ။ တခြား ရွေးချယ်စရာမှ မရှိတော့တာ။ သို့ ပေသည့် အထွက်ကောင်းဖြစ်အောင် ထွက်တတ်ဖို့ တော့ လိုပေသည်။ ကျန်ရစ်ခဲ့တဲ့သူများ က ကိုယ့်အပေါ် တသသ ဖြစ်အောင် ထွက်ခဲ့တတ်ဖို့ လိုလေသည်။ သင့်ရဲ့သူဌေးက သင့်ကို နောက်ဆုံးရက် အထိကို ပြန်စဉ်းစားပေးပါဦးလို့ ပြောရလောက်အောင် အထွက် တတ်ဖို့ လိုပါတယ်။

ဘာလို့ လည်း ဆိုတော့ ထိုသူများနှင့် တစ်နေ့ မဟုတ် တစ်နေ့ ပြန်ဆုံနိုင်လေသည်။ ထိုသူများက နောက်တစ်ချိန်တွင် ကိုယ့်အလုပ်လျှောက်တဲ့အခါ Recommendation ရေးပေးမည့် သူများ ဖြစ်လာနိုင်သည်။

နောက်တစ်ခုကတော့ အလုပ်ထွက်တယ်ဆိုတာကလည်း ကိုယ့်ရဲ့ အလုပ် တာဝန် တစ်ပိုင်းတစ်စ ပင် ဖြစ်သည်။ ပြီးပြီးရော ထွက်လာခဲ့၍ မရပေ။ ဒါကြောင့် အလုပ် ထွက်တဲ့ အခါ ဘာတွေ ကို လိုက်နာ ကျင့်သုံးရမလဲဆိုတာကို ဒီနေ့ ပြောပြချင်ပါတယ်။

၁။ သင် အလုပ် ဘာကြောင့်ထွက်တယ်ဆိုတာကို သင်ကိုယ်တိုင် သေချာ နားလည် ရဲ့လားဆိုတာ ကို ပြန်စဉ်းစားပါ။

သင့်ဆုံးဖြတ်ချက် အတည်ဖြစ်သွားပြီလား။ အဲ့ဒီ ဆုံးဖြတ်ချက်က စိတ်တိုနေတဲ့ အချိန်မှာ ဖြစ်ပေါ်လာတဲ့ တဒင်္ဂဆုံးဖြတ်ချက်လား။ သင့် သူဌေးနဲ့ ကော ပွင့်ပွင့်လင်းလင်းပြောပြပြီး ရဲ့လား။ အလုပ်ထွက်စေတဲ့ ဆုံးဖြတ်ချက် ဖြစ်ပေါ်စေတဲ့ အချက်တွေကို သေချာ ပြန်တွေးကြည့်ပြီးပြီလား။ အလုပ်ထွက်တာက လွဲပြီး တခြား ရွေးချယ်စရာ မရှိတော့ဘူးလား။

ဒါတွေ အားလုံး အတွက် အဖြေ မရှိသရွေ့အလုပ်ထွက်ဖို့ ကိစ္စ ကို ပြန်လည် သုံးသပ်ပါ။ အလုပ်ထွက်လိုက်တာက နောက်ဆုံး ရွေးချယ်မှုဖြစ်ပါစေ။

တစ်ခါတစ်ရံ မှာ ထွက်ကို ထွက်ရမယ့် အချိန်ရှိပါတယ်။ ဒါပေမယ့် သင့်ကိုယ် သင် ဘာကြောင့် ထွက်ခဲ့ရတယ်ဆိုတာ နားလည် ဖို့ လိုပါတယ်။

၂။ သင်ထွက်ရ တဲ့ အကြောင်းကို အားလုံးသိအောင် ပြောစရာမလို ပါ။

သင်အလုပ်ထွက်ပြီးဆိုတာနဲ့ ဘာကြောင့်ထွက်လဲ ဆိုတာကို သိချင်ကြပါတော့မယ်။ သင့်ရဲ့ လုပ်ဖော်ကိုင်ဖက်တွေက လာမေးကြမယ်။ သူ တို့ လဲ ထွက်သင့်လားဆိုပြီး အကြံဥာဏ်တောင်းတတ်ကြတယ်။

အဲ့ဒီ အခါမှာ သတိ ရှိရပါ့မယ်။ professional ပီသရပါမယ်။ သင်နဲ့ အတူ အားလုံးကို ဆွဲခေါ်စရာမလို ပါ။ အဲ့ဒီအတွက်ကြောင့် သင်ထွက်လာရခြင်းအကြောင်းကို သင့်ဖာသာ သင်ပဲ သိပါစေ။ အားလုံး ကို လိုက်ပြောပြစရာမလို ပါ။

တစ်ခါတစ်ရံတော့ သင့် အနေနဲ့ ကျန်ခဲ့တဲ့သူတွေကို သတိပေးစရာ များ ရှိယင် ရှိပါမယ်။ အဲ့ဒီ

အခါကျယင် လည်း professional ဆန်စွာပဲ သတိပေးပါ။ သင်နဲ့ အတူ ရောထွက်ဖို့ အကြံမပေးသင့်ပါ။

၃။ Human Resource ဌာနနဲ့ တော့ ပွင့်လင်းစွာ ပြောခဲ့ပါ။

သင့် လုပ်ဖော်ကိုင်ဖက်များ ကို သင်ထွက်ရတဲ့ အကြောင်း ရင်း ကို လျှောက် မပြောသင့်ဘူးဆိုပေမယ့် HR ဌာနနဲ့ တော့ ပွင့်လင်းမှု ရှိပါစေ။ အခု နောက်ပိုင်း အလုပ်ထွက်ယင် exit interview လုပ်ရပါတယ်။ အဲ့ဒီ အခါကျယင် သင်ထွက်တဲ့အကြောင်းကို ပွင့်လင်း စွာပြောကြားနိုင်ပါတယ်။ အဲ့လို ပြောကြားလိုက်ခြင်းဖြင့် သင် စိတ်ပူနေမယ့် သင်ရဲ့လုပ်ဖော်ကိုင်ဖက်များအတွက် လည်း ကာကွယ်ပေးနိုင်ရာရောက်ပါမယ်။ ပြောတဲ့အခါမှာလည်း မိမိ စိတ် အထင်နဲ့ မှန်တယ် မှားတယ်လို့ မပြောသင့်ပါဘူး။ မိမိ အတွက် ဘာ အဆင်ပြေတယ်၊ ဘာ အဆင်မပြေဘူးပဲ ပြောသင့်ပါတယ်။ မှန်တယ် မှားတယ်ကို HR က ဆုံးဖြတ်ပါစေ။ အပြစ်တင်တဲ့ အသုံးအနှုန်းမျိုးကို လဲရှောင်ကြဉ်ပါ။

မှတ်ထားရမှာကတော့ သင်ပြောခဲ့တဲ့ စကားအားလုံးကို သင်တာဝန်ယူနိုင်ပါစေ။

၎။ သင့်ရဲ့ သူဌေးကို ချက်ချင်း အသိပေးပါ။

သင့်အနေနဲ့ အလုပ်ထွက်မယ်ဆိုတဲ့ ဆုံးဖြတ်ချက်လုံးဝ ခိုင်မာသွားပြီဆိုတာနဲ့ သင့် ကို အုပ်ချုပ်သူ ကို ချက်ချင်းအသိပေးပါ။ အဲ့ဒါဆိုယင် သူတို့ အနေနဲ့ လည်း သင့် ကို တာဝန်ပေးထားတဲ့ အပိုင်းတွေကို ဘယ်လို ခွဲဝေယူမလဲ နောက်ထပ် လူအသစ်ကို ဘယ်အချိန်မှာ ခေါ်မလဲဆိုတာတွေ အတွက် အချိန်ရပါလိမ့်မယ်။

 international အလုပ်တော်တော်များများ မှာ ကြိုတင်အသိပေးရတတ်ပါတယ်။ တစ်လ ဖြစ်စေ နှစ်လ ဖြစ်စေ ကြိုတင်အသိပေးရတတ်ပါတယ်။ ဒါပေမယ့် တစ်လ အတိ ကျမှ ကြိုတင် အသိပေးတာထက်စာယင် ထွက်မယ်လို့ ဆုံးဖြတ်လိုက်တာနဲ့ ကြိုပြောသင့်ပါပြီ။

ဥပမာ။ ။ သင့်တို့ အလုပ် စည်းကမ်း အရ တစ်လ ကြိုတင်အသိပေးရမယ်။ သင့် ထွက်ဖို့ ရည်ရွယ်ထားတာက နောက် နှစ်လ ကျမှ။ အဲ့ဒီအခါမှ တစ်လ ပဲ အတိ ကျန်မှ ကြိုတင်အသိပေးတာမျိုး မလုပ်ပါနဲ့ ။ နှစ်လ ပဲ ရှိရှိ သေချာ ယင် အသိပေးထားလိုက်ပါ။

အဲ့လို မှ မဟုတ်ယင်တော့ သင့် အနေနဲ့ လည်း အလုပ်ထွက်မယ်ဆိုတာ စဉ်းစားနေယင် လက်ရှိအလုပ်အပေါ် အာရုံစိုက်မှု အားထည့်မှု လျော့ကျနေနိုင်တယ်။ အဲ့ဒီ အချိ်န်မှာ သင့်သူဌေးက သင်ထွက်မှာကို မသိသေးယင် မလိုလားအပ်တဲ့ နားလည်မှုလွဲတာတွေ ဖြစ်လာနိုင်ပါတယ်။

နောက်တစ်ခုကတော့ သင့်အနေနဲ့ မီးလောင်နေတဲ့ အိမ်ထဲက ထွက်ပြေးသလို မြန်မြန်ဆန်ဆန် ထွက်ခွါ ဖို့ မလိုအပ်ပါဘူး။ အဲ့ဒါဆိုယင် professional ပီသစွာပဲ သင့်တာဝန်များကို လွှဲပြောင်းပေးအပ်ခြင်း ပြုခဲ့ပါ။ ကိုယ့် အပေါ် အလုပ်က မကောင်းပေမယ့် ကိုယ်တော့ နောက်ဆုံးထိ အလုပ်အပေါ်ကောင်းခဲ့ပါစေ။

၅။ အခြား သော အုပ်ချုပ်သူလူကြီးများ ရှိပါကလည်း အသိပေးပါ။

တစ်ခါတစ်ရံ သင့် အထက်က လူကြီးနဲ့ ရာထူးတူတဲ့ သင်နဲ့ လဲ တစ်ခါတစ်ရံ ဆက်ဆံရတတ်တဲ့ အခြား ဌာနမှ လူကြီးတွေ ရှိနိုင်ပါတယ်။ သူတို့ ကို လည်း သင်အလုပ်ထွက်ပြီဆိုတာကို အသိပေးသင့်ပါတယ်။

တကယ်လို့ ထိုလူကြီးများက သင်ထွက်တဲ့အကြောင်းကို မေးလာယင်လဲ အထက်မှာ ဖော်ပြခဲ့သလို ပဲ professional ပီသစွာ ဖြေဆိုပါ။ သင်ထွက်ရတဲ့ အကြောင်းက သင့်အထက်လူကြီး မကောင်းလို့ ထွက်တာ ဖြစ်ပါစေ။ အဲ့ဒါကို အခြား အထက်လူကြီး နားသို့ မရောက်ပါစေနဲ့ ။ HR ကလွဲပြီး ဘယ်သူ့ ကိုမှ မပြောသင့်ပါ။

ဘာလို့ လည်းဆိုတော့ သူတို့ လူကြီး အချင်းချင်း ပြိုင်ဆိုင်မှုကြားတွင် သင် အလုပ်ထွက်မှု က ခုတုံးလုပ် စရာ အနိုင်ယူစရာ ဖြစ်သွားနိုင်ပါတယ်။

၆။ အကူးအပြောင်းကာလတွင် ကူညီပေးပါ။

သင့်အနေနဲ့  နောက်လူ တစ်ယောက် မရောက်ခင်အထိ တာဝန်ယူရတာ ရှိပါတယ်။ တစ်ခါတစ်ရံ နောက်လူကို ရွေးချယ်တဲ့ အထဲ မှာ ၀င်ရောက်ပါဝင်ရတာမျိုးလည်း ရှိပါတယ်။ အဲ့ဒီ အခါကျယင်လည်း အကူအညီပေးသင့်ပါတယ်။ သင့်လုပ်ခဲ့ရတဲ့တာဝန်များထဲမှ အဆင်မပြေတာ များကို တင်ပြပြီး နောက်လူလာယင် အဆင်ပြေအောင် ဘယ်လို လုပ်မလဲ ဆိုတာကို တိုင်ပင်ခဲ့သင့်တယ်။ ကိုယ့်နေရာကို ကောင်းကောင်း ဆက်ခံနိုင်မယ့် သူ တစ်ယောက်ကို ရှာပေးခဲ့သင့်တယ်။ သင့် ကွန်ပြူတာထဲ မှာ ရှိတဲ့ အလုပ်ဖိုင်တွေအားလုံးကို လည်း နောက်လူလာယင် အဆင်ပြေနားလည်အောင် ပြင်ဆင် သိမ်းဆည်းခဲ့သင့်တယ်။

နောက်လူနဲ့ ကို သင်ကိုယ်တိုင် လွှဲအပ်ရမယ်ဆိုယင်လည်း သေချာ သင်ပြလွှဲအပ်ခဲ့သင့်တယ်။ သင့်အနေနဲ့ လွှဲ အပ်စရာ ရှိတာတွေ အားလုံးကို စာရင်းလုပ်၊ သင်ပြစရာရှိတာတွေ အားလုံးကို လည်း ချရေး။ ပြီးယင် ကိုယ့်အထက်လူကြီးနဲ့ သဘောတူညီမှုယူ။ နောက်လူကို လွှဲအပ်၊ သင်ပြ။ အားလုံးပြီးယင် နောက်လူနဲ့ သဘောတူညီမှုယူ ခဲ့သင့်တယ်။ ဒါမှ သင်ထွက်သွားပြီး တဲ့အချိန် သင့်အပေါ် အပြစ်တင်စရာ မရှိမှာပါ။

၇။ လူကြီးလူကောင်း ပီသစွာထွက်ခဲ့ပါ။

နောက်ဆုံးအချက်ကတော့ သင့်အနေနဲ့ ဘယ်လောက်ပဲ အလုပ်အပေါ်နာကျည်း ခါးသီးပါစေ။ လုပ်ခဲ့တဲ့ ကာလ တစ်လျှောက်မှာ ဘာအကျိုးအမြတ်ရရှိခဲ့လဲဆိုတာကို ပြန်စဉ်းစားပါ။ အဲ့ဒါအတွက် ကျေးဇူးတင်လိုက်ပါ။ အလုပ်ထွက်ပြီးယင်လဲ သူတို့ နဲ့ အပြန်အလှန် အဆက်အသွယ် ရှိပါစေ။ ကိုယ် အလုပ် သစ် ရပြီဆိုလည်း သတင်း ပို့ သင့် တယ်လို့ ထင်ယင် သတင်းပို့ ပေးပါ။

အဲ့ဒီ အချက်တွေကို သာ လိုက်နာ ကျင့်သုံးပြီး သင်အလုပ်ထွက်ခဲ့မယ်ဆိုယင်တော့ သင့်နာမည် ကောင်း ကျန်ခဲ့မှာပါ။ သင့်အနေနဲ့ လည်း စိတ်ညစ်စရာတွေ လျော့နည်းသွားမယ်ထင်ပါတယ်။ နာနာကျည်းကျည်း ဖြစ်အောင် လုပ်ပြီးထွက်ခဲ့ယင်တော့ သင့် စိတ်ထဲမှာလည်း တစ်သက်လုံးကောင်းမှာ မဟုတ်ပါဘူး။

သေချာ မှတ်ထားရမှာကတော့ ကမ္ဘာကြီးက ကျဉ်းကျဉ်းလေးပါ။ တစ်ကွေ့ မဟုတ် တစ်ကွေ့ မှာ ပြန်တွေ့ နိုင်ပါတယ်။ အဲ့ဒီ အခါမှာလည်း သင့်အနေနဲ့ ရှောင်စရာမလို ပဲ အပြုံးတွေနဲ့ ပြန်တွေ့ နိုင်ဖို့ အတွက် အလုပ်ထွက်ချိန်မှာ အကောင်းဆုံးကြိုးစား ခဲ့စေချင်ပါတယ်။

ကျေးဇူးတင်ပါတယ်။

ကိုဟိန်း (Prospect Myanmar)